- info@abertal.com
- (+34) 981 757 815
Este novo portal web desenvolvido para o Colexio Oficial de Xestores Administrativos de Galicia contén información completa sobre o propio Colexio e a profesión de xestor administrativo, ademais de información de actualidade, servizo de ventanilla única para colexiados e unha bolsa de emprego para profesionais do sector.
Ademais desta páxina web pública, desenvolveuse unha completa intranet para conectar e comunicar a propia entidade cos seus colexiados. A través desta intranet, os profesionais asociados ao Colexio terán acceso a novas, circulares, boletíns, informes e outra documentación asociada ás diversas áreas de servizos da profesión.
Dentro da propia intranet, destaca o servizo de consultas, que pretende conectar e xerar sinerxías entre os colexiados, que poderán compartir coñecemento e dúbidas a través deste servizo. Mediante este sistema, calquera colexiado pode deixar unha consulta na intranet, que chegará a un experto da materia concreta da consulta, que lle responderá a dita consulta. Estas consultas poderán ser privadas (entre o colexiado que realiza a consulta e o que a responde) ou públicas (dispoñible na intranet para todos os colexiados). A través deste servizo de consultas, xerarase un gran repositorio de coñecemento accesible para todos os asociados do Colexio, que poderían compartir información, dúbidas e consultas diversas.
